“නුඹලා සිතනවා ඇති මගේ කතාව දන්නවා කියා, ඒක ඉවර වුනේ උමතුවකින්, සිත් බිඳිලා, ලේ වැගිරිලා, රාජධානිය විනාශ වෙලා. ඒකයි කතාව, ඒත් ඒක මගේ කතාව නෙවේ”
ඕකයි ඕපීලියාගේ නොවන ඔපීලියාගේ කතාව. ඔපීලියා සාමාන්ය පවුලක දැරිවියක්. ඇය කුඩා කල දැක් වූ දක්ශතා නිසාවෙන් රැජින ඇයව ඇගේ භාරයට අරගෙන හදා ගන්නවා. ඔපීලියා තරුණ වයසට පැමිනෙන කොට රාජ්යයේ කුමරු හට ඇය ගැන සිතක් පහල වෙනවා. ඔපීලියා ඒකට වැඩිය අකමැත්තක් දක්වන්නෑ. ඒත් ඔපීලියාගෙ කුලය පහත් නිසා එය අමාරු වෙනවා. ඒත් ඒ දෙන්නගේ ආදර කතාවයි මේකට මුල් තැන දෙන්නෙ කියල නම් හිතන්න එපා. මොකද කුමරුගේ මාම රැජිණව පොලබවගෙන රජකම ගන්න සැලසුම් කරනවා. ඒකෙන් මේ කතාව නොහිතපු විදිහට දුර දිග යනවා. ඒ විතරක් නෙවේ මේකෙ සැවොම නොදත් කුමරුගේ මාම වන ක්ලෝඩියස් ගේ යට ගිය කතාවක් තියෙයි. ඒ කතාව මොකක්ද, ඒක ඔපීලියාගේ කතාවට කෙසේ බලපායිද, මේවා කෙසේ විසදෙයිද, සතුටු දායක අවසානයක් ලැබේවිද කියා දැන ගන්න මේ කතාව බලන්නම වෙනවා.