සුන්දර දූපතක තියෙන නිවාඩු නිකේතනයක නිවාඩුව ගතකරන්න පවුල් කිහිපයක් එනවා. මේ නිකේතනයේ කළමනාකරු මේ කිහිප දෙනාව ගල් වලින් වට වුන දූපතේ තියෙන පෞද්ගලික වෙරළකට යවනවා. මේ අය වෙරළට ගියාට පස්සෙ මියගිය ගෑණු කෙනෙක්ගෙ මල සිරුරක් හම්බෙනවා. මේ ගැන කියන්න ආපහු යන්න හැදුවත් යන හැම කෙනාටම වෙරළෙදි සිහිය නැති වෙනවා. ඔය අතරෙදි මේ පවුල් වල ඉන්න ළමයි තුන්දෙනාව අසාමාන්ය විදිහට එකපාරටම අවුරුදු පහකින් විතර වයසට යනවා. ඒ වගේම යම් කෙනෙක්ට තුවාලයක් වුනොත් ඒ වෙලාවෙම ඒක සුව වෙනවා. අවසානෙදි මේ අයට තේරුම් යනවා වෙරළෙ ගතකන සෑම විනාඩි 30කට සැබෑ ජීවිතේදි අවුරුද්දක කාලයක් මෙයාලව වයසට යනවා කියලා. ඒ කියන්නෙ මේ වෙරළෙ දවසක් ඉන්න කෙනෙක්ව අවුරුදු පනහකින් වයසට යනවා. තව තව අසාමාන්ය දේවල් ඔය අතරෙදි සිද්ද වෙනවා. ඒ මොනවද, මේකට හේතුව මොකක්ද කියලා මම කියන්නෙ නෑ. නරඹලාම දැනගන්නකෝ.