අම්මා කියන දෙ අහන්නෙ නැති හිතුවක්කාර, හීන ලෝකෙක ජීවත්වන ගැහැනු දරුවෙක්. දුවව හොඳින් තේරුම් ගත්ත තාත්තා කෙනෙක්. මේ පවුලට අලුතෙන් එකතුවෙන බලු පැටියෙක්. මේ වටා තමයි චිත්‍රපටයේ මේ කතාව ගෙතී යන්නෙ. මීට වඩා විස්තර කරලා කියන්න යන්නෙ නැහැ. ප්‍රශ්න වලට මුහුණ දෙන්නෙ කොහොමද, දුක් දරාගන්නෙ කොහොමද කියලා තාත්තා කෙනෙක් තමන්ගෙ දුවට කියා දෙන, පුහුණු කරන ආකාරය මෙහි දැක්වෙනවා. මේක විශේෂයෙන් පොඩි ළමුන්ට නැරඹිය හැකි ආදර්ශමත් චිත්‍රපටයක්. බල්ලන්ට ආදරේ අය හුඟක් කැමති විදිහෙ චිත්‍රපටයක්. පවුලේ හැමෝටම බලන්න පුළුවන් කම්මැලි නොහිතෙන චිත්‍රපටයක්.
මුගිළ් විචාරකයන්ගේ ධණාත්මක ප්‍රතිචාර ලබාගැනීමට සමත් වූවා. ඒ වගේම ප්‍රේක්ෂකයින්ගේ මෙන්ම සමාජ මාධ්‍යයේද බොහෝ පැසසුමට ලක්වූවා. මේ චිත්‍රපටයේ කාලය මිනිත්තු 62ක්. මුගිළ් සිනමාශාලාවක නිකුත්වූ පළමු කෙටි කාල සීමා දෙමළ චිත්‍රපටයයි.
