චිත්‍රපටි දමිළ

Akhanda (2021) Sinhala Subtitles | තෙවෙනි ඇස අරින්න එපා… [සිංහල උපසිරසි]

ආරම්භයේදී මවකට දාව නිවුන් දරු උපතක් සිදු වනවා. මේ නිවසට එන පූජකවරයෙක් එක් දරුවෙක් ළඟ තබා ගැනීම විනාශයකට හේතු වනවා කියා, පූජකවරයා ඒ දරුවා රැගෙන යනවා. ගෙනයන ලද දරුවා ඒ ගෝරා විසින් ශිව දෙවියන්ට පූජා කරනවා. නිවසේ තබා ගත්ත ස්වාභාවික දරුවා වූ මුරලි ක්‍රිෂ්ණාව දෙමව්පියන් වර්ධනය කරනු ලැබුවා. මේ වන විට වැඩිහිටි වියේ සිටින මුරලි තමන්ගේ ගමේ මිනිස්සුන්ට උදවු උපකාර, සේවය කරමින්, අකටයුතුකම් වලට එරෙහිව සටන් කලා. මුරලි ගමේ පොහොසත් පවුලකින් පැවතෙන්නෙක් නිසා, පාසල්, රෝහල් ඉදිකරමින්, කුඹුරු නැති මිනිසුන්ට කුඹුරු ඉඩම් තම ගමට වගේම අසල්වාසී ගම්වලටත් ලබා දුන්නා. මීට පෙරදී මුරලිගේ ගම රණ්ඩු, කැපිලි කෙටිලි වලින් අඩුවක් නැති ගමක්. මුරලිගේ මැදිහත් වීමෙන් ගමේ සිදුවන කලහයන් අවම තත්වයකට ගෙන එනු ලැබුවා. වර්ථමානයේ ප්‍රචණ්ඩකාරී ගැටුම් වලින් එම පිරිස් ගලවා ගැනීමට මුරලි ක්‍රිෂ්ණා උපරිම උත්සාහ ගත්තා. මුරලිගේ ගමට අසල්වාසී ප්‍රදේශයක වරධරාජුලු නම් දාමරිකයා වරධා නමින් තඹ පතලක් කරගෙන යනවා. මේ තඹ පතල ආසන්නව සැක සහිත දේවල් සිද්ද වෙමින් තිබුනා. පතලේ සේවය කරන මිනිස්සුන්‍ට විවිධ රෝග මතු වීමට පටන් ගත්තා. දිනක් පතලේ වැඩ කරමින් සිටි මිනිසෙකුට ලේ වමනය ගොසින් සිහි නැතිව ඇද වැටුණා. පතලේ කටයුතු ගැන සැකයෙන් සිටිය සේවකයින් වැඩ වර්ජනය කර නිවෙස් වලට පිට වුණා. ඒත් මේ වර්ජනය හිතුවාටත් වඩා ඉක්මනින්ම නිමා වුණේ විශේෂ සංග්‍රහයකින්. කොහොමින් හරි දවසකදි හඳුනා නොගත් රෝග වැලඳීමෙන් රෝගීන් බොහෝ පිරිසක් මුරලිගේ රෝහලට ඇතුලත් වුණා. රෝහලට ආව මුරලි ඒ ගැන සොයා බැලුවා. වෛරසයක් නොවන මේ රෝගය වැළඳුනේ පතල ආශ්‍රිතව නිසා මුරලි වරධාගේ පතලට යනවා. පතල ගැන සෝදිසි කිරීමට ඉඩ නොදුන්න නිසා මුරලි හා වරධා අතරේ ගැටුමක් ඇති වනවා. වරධාගේ පතල වසා දමන්නට මුරලි කටයුතු කරමින් සිටියා. පසු දිනෙක රෝගීන් ප්‍රතිකාර ගන්නා රෝහලේ බෝම්බ පිපුරුමක් නිසාවෙන් රෝගීන් සියල්ලම මිය යනවා. බෝම්බ පිපුරුම සිදු වුණ ආකාරය ගැන සැක නිසාවෙන් මුරලිව අත්අඩංගුවට ගනු ලබනවා.

Leave a Reply

Your email address will not be published.